नजिंकिदो मृत्यु ।


      वास्तवमा कोही कसैको नितान्त निजी कुरामा त्यति चाख राख्दैन, जबसम्म त्यो महत्वपुर्ण र इन्टरेस्ट्रिंग हुँदैन । म, एउटा नितान्त साधारण मान्छे । म सँग कुनै त्यस्तो आकर्षण छैन, जसले मान्छेहरुलाई प्रभावित पार्न सकोस । झन त्यसमाथि मेरो निजी कथाहरु, व्यथाहरु ! कति झूर र पट्यारलाग्दो होलान् ! कसैले सुन्ने हिम्मत गर्न सक्छ ? कसैले सुन्ने, बुझ्ने चाख देखाउन सक्छ ? हा हा हा । अँह, असम्भव ! तर त्यसो भन्दैमा म न यहाँ श्री स्वस्थानी व्रत कथाको कुमार बन्न गइरहेको छु, न त तपाईंहरु अगस्त्य ऋषि नै ! जसले हरेक राम्रानराम्रा कुराहरु चुपचाप सुनोस !! हा हा हा ।

     तपाईहरुलाई अचम्म लाग्न सक्छ कि म अहिले जुन हालतबाट गुज्रिहरेको छु, त्यो पुर्व नियोजित पक्कै थिएन, न कि मेरो कुनै गल्ति नै छ । म अहिले हरेक क्षण, हरेक पल मृत्यु कल्पेर बसेको छु । सुन्दा अचम्म लाग्न सक्छ, तर यो मेरो नियति नै बनिसकेको छ । अचेल मलाई मृत्यु अत्यन्त प्यारो लाग्छ । अब यसबाट कसरी भाग्ने ? असम्भव ! तर म मृत्युलाई जति माया गर्छु, त्यति नै त्यससँग डर पनि लाग्छ । हाय ! परिबन्दले मेरो सबैथोक लुट्यो । समय र परिस्थितिले मलाई यतिसम्म खोक्रो बनायो कि समुद्र भन्ने अब मान्छे रहेन, उ त पहिले नै जडतामा समाहित भैसक्यो, फेरि कहिल्यै त्यहाँबाट ननिक्लने गरि !! तर अझै पनि ममा सांसारिक माया, मोह्, लोभ, ईर्ष्याको मीठो धङ्धङी अझै बाँकि नै छ , चटक्क बिर्सन सकेको छैन । साथी भाईहरुसँग भेट्दा केहि हदसम्म मेरो जडता कमजोर भएको भान म आँफै पनि गर्छु, तर मलाई थाहा छ, त्यो मेरो देखासिकी मात्र हो ।

     जहिलेदेखि मलाई मृत्युको आभाष हुन थाल्यो, मलाई हरेक मान्छेहरु विचित्रका लाग्न थाले । मान्छेहरुको छलकपट, दौडादौडी, भागाभाग, अधैर्यता देख्दा अचम्म लाग्छ । टोलाउँछु । हुन त फूलको आँखामा फूलै संसार भन्छन् ।

     अर्को अनौठो कुरा, मेरो मृत्यु म आँफैले निर्धारण गर्नुपर्छ । मृत्यु आँफै आएर टपक्क टिपेर लाने कदापि होइन । त्यसको लागि म आँफु पनि तयार रहनुपर्छ । जुन्, म पहिल्यैदेखि छु । मात्र अनुकुल वातावरण र ठाउँको आवश्यकता छ । जसको लागि मैले के गरेको छैन ? र म विश्वस्त छु, एकदिन म मेरो लक्ष्यमा सफल हुनेछु ।

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s