गणतन्त्र मुर्दावाद


आज दिनभर अत्यन्त तनावग्रस्त रहें । जता जाऊ तथाकथित गणतन्त्रको कुरा । रेडियो खोल, गणतन्त्र; टीभी हेर, गणतन्त्र ; पत्रिका पढ गणतन्त्र । हुन त यी सन्चार माध्यमहरु शक्तिका पूजारी हुन् । राजा सत्ता र शक्तिमा हुँदाखेरि यिनिहरु राजा र राजसँस्थाको गुणगान गाएर थाकेनन् । र अहिले सात दलको महिमा बखान गरिरहेका छन् । जे होस्, आज अत्यन्त नै तनावग्रस्त रहेँ । राजसँस्थाको सल्लाह र सम्मतिबिना जबरजस्ती लादन  खोजीएको तथाकथित गणतन्त्रको कुप्रभाव समग्र देशमा कस्तो र कुन रुपमा पर्ने हो, त्यो त पछि बहसको विषय होला । तर तत्कालको लागी यो कागजी निर्णय भन्दा बढी नहोला । राजा ससम्मान नारायणहिटी राजदरबारमा राज होईबक्सेकै छ । राजालाई जबरजस्ती दरबारबाट निकाल्ने भन्ने कुरा अत्यन्त हाँस्यादपद र अबोध लाग्छ । विगत दुई वर्षदेखि चलिरहेको शान्ति प्रक्रियामा राजसँस्थाको अत्यन्त ठूलो सहयोग र समर्थन रह्यो । शताब्दियौदेखि उपभोग गर्दै आईरहेका आफ्ना सम्पुर्ण अधिकारहरु कटौती हुँदापनि शान्ति प्रक्रियाको सहजताको खातिर राजसँस्थाबाट कुनै प्रतिरोध भएन । बरु, राजनीतिक दलहरु र तथाकथित नागरिक समाजको एकोहोरो प्रहारको सामान्य खण्डन र प्रतिरोधसम्म पनि दरबारले गर्नु आवश्यक सम्झेन ।

जनआन्दोलन पछिको दुई वर्षमा राजसँस्थामाथि राज्यका हरेक क्षेत्रबाट, राजनीतिक दलहरुबाट र अन्य विभिन्न कोणहरुबाट एकोहोरो प्रहार भयो । जनतामा राजसँस्थाप्रति द्वेष र घ्रृणा फैलाउने काम श्रृंखलाबद्द र नियोजित रुपमा सन्चालन गरियो । झूठलाई पनि सय चोटी दोहोरयायो भने सत्य जस्तो लाग्छ रे । र, राजसँस्थाको हकमा पनि यही कुरा लागु हुन्छ । राजसँस्थाको विरुद्दमा यतिसम्म घृणा र अनर्गल प्रचार गरियो कि जनताहरुले नजानिकनै राजसँस्थालाई शत्रुको रूपमा हेर्न थाले । जुन अत्यन्त दु:खद कुरा हो । प्रजातन्त्र , राष्ट्रियता र संवैधानिक राजतन्त्र प्रति प्रतिबद्द हामी देशभक्त नेपालीहरुले यस कुरालाई चिर्न सक्नुपर्छ । इतिहासलाई अतिरंजीत र दोषयुक्त बनाउँदैमा भविष्य सुनिश्चित हुँदैन । क्रान्तिको नाममा ध्वंस होइन, निरन्तरता सहितको परिवर्तनलाई रोजौं । राजसँस्थालाई शान्ति, राष्ट्रियता र राष्ट्रिय एकताको प्रतीकको रुपमा स्वीकार गर्नुमा नै सबैको भलाई छ ।

जय देश, जय नरेश !

हाम्रो राजा हाम्रो देश, प्राण भन्दा प्यारो छ !!!

संवैधानिक राजतन्त्र र बहुदलीय प्रजातन्त्र जिन्दावाद !

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s