जीवमुक्तिका लागि मानव संहार !

आज लुगा सुकाउन कौशीमा निक्लँदा देखें, छिमेकमा एउटा कुकुर चिसो भुईंमा बाँधिराखेको रहेछ । पछि थाहा लाग्यो, त्यो कुकुर राति पनि त्यहिं नै बाँधिने रहेछ । म नि:शब्द भएँ । यस्तो जाडोमा त्यो निरीह प्राणी रातभरी त्यो खुल्ला अनि चिसो भुईंमा कसरी बस्दोहोला । प्राण सबैको एकै हो, के मानिस, के जनावर । संवेदना हरेक प्राणीमा हुन्छ । जाडो त्यो प्राणीलाई हुँदै नहुने होइन । कुकुर झोक्राईरहेको, जिङ्ग्रिङ्ग परेको, जबरजस्ती थोपरिएको मानव-यातनाले विकृत; मलाई देख्नासाथ एकछिन रोकियो । मैले पनि हेरीरहें । अगाडी एउटा फोहोर थाल छ ; मोटो साङ्लाले बाँधिएको, त्यहाँबाट निस्कनु त्यस प्राणीको लागि अब यस जन्ममा सम्भव नहोला । कठैबरा, मन एकदमै अमिलो भयो । लुगा लिएर एकछिन टोलाईरहें । के त्यस कुकुरलाई रातको लागि मात्र भएपनि भित्र लगेर बाँध्न सकिन्न र ? बाहिर पिंढीमा खुल्ला ठाउँमा बाँध्दैमा त्यसले चोरको सामना गर्न सक्ने होइन । कति जाडो होला, त्यसलाई ।  शिरानमा मेशिनगन राखेर सुतेकाहरुको त हत्या भईरहेको सन्दर्भमा त्यो बिचरो मानव अत्याचारले थिलथिलो प्राणीले त्यो अजङगको घरको रक्षा गर्ने भन्ने कुरा हाँस्यादपद हो । भुक्नु छुट्टै कुरा हो । कुकुरको भुकाईमा आँफु र आफ्नो घरलाई सुरक्षित देख्नेहरुले बरु शिरानमा बन्दुक राखेर सुत्नु बेश । हामी सिरकभित्र त जाडोले काम्छौं भने त्यसको अवस्था झन कस्तो होला । न त्यो रुन सक्छ, न बिन्ति गर्न सक्छ , मानिसले जस्तै । भगवान, किन तिमिले अरु प्राणीलाई त्यस्तो विधि निरीह बनायौ ? किन अन्याय तिनिहरुमाथि ? करिब तीन महिना अगाडी त्यो कुकुर त्यहाँ ल्याईएको थियो । मलाई कहिल्यै लागेन, त्यो कुकुर राती पनि त्यहिं बाँधिन्छ भनेर । तर आज थाहा पाएँ । मन कति सारो दुख्ने । त्यो पनि त प्राणी हो, हामीजस्तै । भगवान, बरु त्यसलाई मृत्यु देऊ, त्यसले यो नरकबाट शान्ति पाउनेछ (Animal Euthanasia?)। त्यहि दृश्यले आज अपरान्हदेखि झन बढि तनावग्रस्त रहें । किन यस्ता अत्यन्त दु:खद दृश्यहरु देख्नुपर्ने हामीले ? थाम्न सकिनँ अनि दिनेश दाईसँग यो कुरा गरें । उहाँले त्यति ध्यान दिएको जस्तो लागेन । किन कसैले कसैको वास्ता गर्दैन ? म यो कुरा कोसँग शेयर गरुँ ताकि मन अलि  हलुका होस । तर कोही छैन । सबै पैसाको लागी, आफ्नो स्वार्थको लागी आँफैलाई बेच्न तयार छन बरु ।

मानवईतर प्राणीहरु साराका सारा यसरी नै सताईएका छन, चाहे ती जँगलमा बस्ने नै किन नहुन । र ती निरीह प्राणीहरुको एकमात्र दुश्मन मानव हो । सम्पुर्ण मानव जातिको संहारमा नै तिनिहरुको कल्याण छ ।

तिनिहरुमाथिको हरेक प्रकारको यातना, जबरजस्ती, शोषण, व्यापार, अराजकता, हिंसा आदि तत्काल अन्त्य गरिनुपर्छ ।

तिनिहरुको कल्याणको लागी म आँफुले सकेको गर्नेछु, मेरो प्रण अझ दृढ भयो ।

केही सुनेझैं लाग्यो, स्पष्ट भएन । अघिदेखि कराईरहेका कैयौं कुकुरहरुको कर्कश कोलाहलमा त्यो कुकुरले सकि-नसकि आँफुलाई समाहित गर्न खोजेजस्तो ।

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s